Baerii Suprême
Andrana tsy manam-paharoa
Notsongaina ao anatin’ny sokajy “SUPRÊME “ ireo voana kaviara Baerii Rosianina tsara indrindra noho izy ireo tsy fahita firy no sady mamela tsiro ao am-bava mandritra ny fotoana maharitra, indrindra raha oharina amin’ny kaviara hafa. Rehefa ao am-bava dia manatosaka haingon-tsiro toa voanjo sy fofon-kazo malefaka ireo atody lehibe mafy sy mangirana, miloko volon-davenona mazava. Hankafy azy ity ireo mpankafy ny aingitrangitra sy haitraitran’ny sakafo tena miavaka sy ireo Mpahandro kalaza matihanina.
Any amin’ny vohitr’i Mantasoa, izay 1 400 metatra ambonin’ny haavon’ny ranomasina, no misy ny dobo fiompiana trondron’ny Rova Caviar Madagascar. Mangatsiatsiaka ery ity farihy izay tafiditra ao anatina faritra arovana ity, ary tena mety amin’ny fiompiana ny karazan-trondro « Acipenser Baerii » an’i Madagasikara, izay taranaky ny kaviar fanta-daza rosianina ihany.
FANGARO
Atodina esturgeon, sira 100% tsy misy fangaro avy any Diego Suarez, Madagascar, na siran-dranomasina tsy misy fangarony, na sira avy amin’ny laboratoara, mpitahiry (E285), singa mety tsy zaka: trondro
FIAVIANA
Atody nafarana avy any Rosia ary nompiana ao amin’ny toeram-piopiana Acipenser – Mantasoa, Madagascar
MARIKA
Rova Caviar Madagascar
FITEHIRIZANA NY VOKATRA
Azo tehirizina hatramin’ny 60 andro alohan’ny hamoahana/hihinanana azy ao anaty vata fampangatsiahana (0°C – 4°C).
ANARANA SIANTIFIKA
Acipenser Baerii
LANJA ARA-TSAKAFO AO ANATIN’NY 100 G
Hery entiny: 940 KJ – 225 Kcal
Prôteina: 26 g
Gliosida: 1,5 g (ka siramamy ny 0,5 g)
Menaka: 12,8 g (ka asidra matavy ny 3,53 g)
Sira: 3,471 g
Atao am-pitandremana be ny fanaterana ny caviar Rova any aminareo mpanjifa. Mbola asiana fonosana ranomandry ao anatin’ny harona mitazona hatsiaka misy azy mba hiantohana fa voatazona tsara ny hatsiaka ilaina mandritra ny fitaterana azy. Rehefa avy mamoaka ireo boatina caviar avy ao anatin’ny harona mitazona hatsiaka, dia ampandrio ao anaty vata fampangatsiahana (0°- 4°C) izy ireo. Saro-pady ny fanajana ireo maripana ireo ho fiantohana fa voatazona foana amin’ny kalitao tsara indrindra ny caviar Rova mandra-pahatongan’ny daty farany tsy maintsy hihinanana azy, izay azonao jerena ao ambadiky ny boaty tsirairay mialoha ny hisokafany. Ny boatina caviar efa nisokatra kosa dia tokony tehirizina foana ao anaty vata fampangatsiahana.
Ny Orinasa Rova Caviar Madagascar dia manolo-tena amin’ny tontolo iainana ary manasa anao hanaja ny fanasokajiana ny boatina kaviara avy nihinanana.
Fonosana ranomandry
Harona mitazona hatsiaka
Ho fanarahana ireo fenitra momba ny fivahinianana eo amin’ny sehatra iraisam-pirenena dia aoka isika mba samy hanaja ny lanjan’ny kaviara azo entina mandeha. Raha miainga avy ao Frantsa dia tsy voafetra ny lanjan’ny kaviara azo entina mivezivezy ao anatin’ny faritany frantsay sy ny faritry ny Vondrona Erôpeana. Raha mivoaka ny faritry ny Vondrona Erôpeana kosa dia voafetra ho 125g isan’olona ny lanjan’ny kaviara azon’ny mpandeha tsirairay entina any anatin’ny entana apetraka any amin’ny fitoeran’entana ao anatin’ny fiaramanidina. Eto Madagasikara kosa dia tsy voafetra ny lanjan’ny kaviara azo entina amin’ny sidina anatiny.
Torohevitra avy aty amin’ny Trano Famokarana Rova Caviar : Ampandrio tsara ao anaty entana ny kaviara mba tsy hahasimba ny voany. Raha mandeha sidina lavitra dia manàna ranomandry fanampiny, in-droa na intelo manolo, ampiasaina amin’ny « sac isotherme » fitoeran’ny kaviara.
Ranomandry nopotipotehina ho lasa madinika tsara ampiasaina atao lafiky ny boaty rehefa misokatra. Sotro vita amin’ny akorandriaka, na hazo tsy misy vernia (vernis), na volamena ampiasaina rehefa handroso ny caviar fadio ny mampiasa sotro vita amin’ny metaly, vy tsy harafesenina (inox), na volafotsy fa hampivadika aza izany). Ampiaraho amin’izay zavatra tianao rehefa hihinana azy : azo hohanina amin’izao fotsiny; azo ampiarahina amin’ny mofo natono (toasts); mofo tampontsatroka matevina (blinis); ovy nandrahoina tamin’ny entona; paty vao vita, asiana « crème fraîche » matevina na tsia; ampiarahina amin’ny atody nopotipotehina (œufs brouillés); atody an’akora nandrahoina mantamanta (œuf à la coque); atody an’akora masaka (œuf dur); trondro saumon manta na nasaly; amin’ny (carpaccio de coquilles Saint Jacques); na totoken’omby manta (tartare de bœuf), sns.
